Ultrasəs müayinəsi, USM VƏ DOPLEROQRAFİYA, USM-diaqnostika nədir, Süd vəzilərinin USM-i

Ultrasəs müayinəsi 

tibbdə aparılan əsas müayinə üsullarından biridir. Exolokasiya prinsiplərinə əsaslanan bu müayinə metodu orqanizmə zərər vurmadan daxili orqanlar və boşluqlar haqda dəqiq məlumat vermək imkanına malikdir.USM apparatı müvafiq datçik vasitəsilə orqana yönəldilmiş ultrasəs dalğalarının əks olunma tezliyini qeydə almaqla orqanın ölçüsü , forması , exogenliyi və s. barədə informasiya formalaşdıraraq ekranda göstərir.

Klinikamızda iki USM kabineti fəaliyyət göstərir.Yüksək  keyfiyyətli məhsul isthsalçısı olan  kompaniyalara məxsus  Voluson S8 və  Hitachi Avius USM apparatları  vasitəsilə yüksək ixtisaslaşmış həkimlərimiz tərəfindən pasiyentlərə dəqiq diaqnozlar qoyulur.

USM VƏ DOPLEROQRAFİYA 
 

• Abdominal USM
• Uroloji USM (böyrək, prostat, sidik kisəsi)
• Ginekolojı USM
• Skrotal usm – kişi cinsiyyət sistemi: xaya və xaya artımları
• Ümumi USM
•           qadın
•           kişi
•           uşaq(16 yaşadək)
•  Follikulometriya (1 seans)
•  Akuşer Dopleroqrafiya (14 həftəyə qədər)
•  Akuşer Dopleroqrafiya (26 həftəyə qədər)
•  Akuşer Dopleqorafiya ( 26 həftədən sonra)
•  3D və 4D rejimində akuşer USM (disklı birlikdə)
•  Limfa düyünlərinin (paraaortal, periferik) USM-i
•  Braxisefal arteriyaların tripleks dopleroqrafiyası (boyun damarlarının dopleraqrafiyası)
•  Baş damarlarının intrakranial dopleroqrafiyası
•  1 ətrafın vena dopleroqrafiyası
•  1 ətrafın arteriyası dopleroqrafiyası
•  1 ətrafın hər 2 damarın dopleroqrafiyası
•  Süd vəzi
•  Qalxanabənzər vəzi
•  Prostat vəzi
•  Skrotal ümumi (kiçik çanaq)
•  Oynaqların USM-i
•  Böyrək damaralarının Dopleroqrafiyası
•  Böyrək
• Neyrosonoqrafiya
• Yenidoğulmuşlarda bud-çanaq oynağının USM-i
• Timus vəzinin USM-i

Həmçinin  timus vəzin, qalxanabənzər vəzin, limfa düyünlərinin, süd vəzlərinin ultrasəslə müayinəsi aparılır.

Bundan başqa 3D və 4D görüntüləmə, rəngli doppler  müayinələri həyata keçirilir. Hamiləliyin müxtəlif trimestrlərində dölün vəziyyəti barədə valideynlərə geniş məlumat verilə  bilir.

Damarların ( arteriyaların və venaların ) rəngli doppler vasitəsilə müayinəsi müxtəlif damar patologiyalarını aşkar etməyə imkan verir.

USM bir profilaktik müayinə kimi  çox əvəzsiz  metoddur. Mütəmadi olaraq USM müayinəsindən keçməyiniz məsləhətdir.

USM-diaqnostika nədir və onun populyar olması səbəbləri hansılardır?

USM ən təhlükəsiz, dəqiq və sürətli diaqnostika metodudur. Ana olmuş hər bir qadın gələcək övladının cinsini müəyyənləşdirilməsində USM-in rolunu yaxşı xatırlayır. Bu diaqnostika metodu rentgendən fərqli olaraq, daha dəqiq hesab olunur, belə ki, insan müayinə zamanı hərəkət etdikdə belə, görüntülər dəqiqliyini itirmir. 

Ultrasəs müayinısinin prinsipi sadədir: USM ötürücüsü səs dalğalarını xüsusi ucluqlar vasitəsilə toxunulan nahiyəyə ötürür. Orqanlar bu dalğaları əks etdirir və onlar yenidən ötürücüyə qayıdır və bu vasitə ilə monitorda müvafiq görüntü əks olunur. Qeyd olunan kimi USM-müayinə təhlükəsizdir, belə ki, insan heç bir şüalanmaya məruz qalmır. USM bir çox xəstəliklərin diaqnozlaşdırılması və ya orqanizmdə heç bir problem olmadığını təsdiqləmək üçün unikal vasitədir.

USM müayinəsi hansı hallarda təyin edilir

Ultrasəs vasitəsilə kiçik çanaq və qarın boşluğu orqanlarını müayinə edirlər, onun vasitəsilə həmçinin, böyrək xəstəliklərini, qaraciyər, qalxanvari vəzi, ürək, damar və limfatik düyünlərin hətta, dəri altındakı törəmələri müayinə etmək mümkündür. Qarın nahiyəsində, ürək və ya “qadın orqanları”nda ağrılar, infeksion xəstəliklər, uzun müddət davam edən xroniki və ya kəskin xəstəliklər, şiş şübhəsi zamanı, inkişaf anomaliyaları və s. hallarda həkim USM müayinəsi təyin edə bilər.

Ultrasəs müayinəsi vasitəsilə orqanların strukturundakı dəyişiklikləri, böyrəklərdə, öd kisəsi və ya sidik kisəsində daşların olub-olmamasını, kistaları, ilk dövrlərdə hamiləliyi, eləcə dölün cinsini və s. müşahidə etmək olar.

Pasiyenti diqqətlə dinləyən həkim oyanıqlığın artması, səbəb olmadan çəkinin artması və ya azlaması, ümumi halsızlıq və ya dərinin vəziyyətnin pisləşməsini müşahidə edərsə, həkim pasiyenti USM müayinəsinə yönəldə bilər.    

USM-ə xüsusi hazırlıq tələb olunurmu?

Pasiyentin ultrasəs müayinəsinə hazırlığı böyük əhəmiyyət kəsb edir, belə ki, bu, alınan təsvirin keyfiyyətinə və nəticə olaraq, müayinənin nəticələrinə təsir göstərə bilər.

Qarın boşluğu orqanlarının (qaraciyər, öd kisəsi və dalaq) USM-inə hazırlıq aşağıdakı kimi aparılır:

Müayinəyə 2-3 gün qalmış şlaksız pəhrizə keçmək, rasiondan bağırsaqda qaz əmələ gətirən qidaları (çiy tərəvəzlər, süd, qara çörək, qazlı sular və s.), habelə, kaloriliyi yüksək olan şirniyyat məhsullarını (pirojna, tort və s.) çıxarmaq tövsiyə edilir.

Mədə-bağırsaq traktı ilə problemi (qəbizlik) olan pasiyentlərə müəyyən müddət ərzində ferment preparatları və enterosorbentlər (məsələn, festal, mezim-forte, aktivləşdirilmiş kömür) qəbul etmək məqsədəuyğundur. Bunlar meteorizmi aradan qaldırmaq üçün tətbiq edilir.

Qarın boşluğunun USM-i acqarına aparılmalıdır (yüngül səhər yeməyi yolveriləndir).

Əgər dərman vasitələri qəbul edirsinizsə, bu haqda USM həkiminə məlumat verməlisiniz.

Fibro-qastro- və kolonoskopiya, həmçinin mədə-bağırsaq traktının rentgenoloji müayinəsindən sonra USM müayinəsi aparmaq olmaz.

Qadınlarda kiçik çanaq orqanlarının (sidik kisəsi, uşaqlıq, artımlar) USM-inə hazırlıq:

Müayinə sidik kisəsi dolu olarkən aparılmalıdır. Ona görə də prosedurdan 3-4 saat əvvəl sidiyə getmək olmaz , prosedura 1 saat qalmış 1L qazsız su içmək vacibdir.

Transvaginal USM üçün xüsusi hazırlığa ehtiyac yoxdur. Pasiyentin mədə-bağırsaq traktında problem varsa, müayinədən əvvəl təmizləyici imalə olunmalıdır.

Kişilərdə sidik kisəsi və prostatın USM müayinəsinə hazırlıq:

Müayinə sidik kisəsi dolu olarkən aparılmalıdır. Ona görə də prosedurdan 3-4 saat əvvəl sidiyə getmək olmaz, prosedura 1 saat qalmış 1L qazsız su içmək vacibdir.

Prostatın transrektal müayinəsi zamanı təmizləyici imalə etmək vacibdir. 

Süd vəzilərinin USM-i

Yaxşı olar ki, süd vəzilərinin müayinəsi menstrual tsiklin ilk 7-10 günündə aparılsın.

Müayinədən  2 gün əvvəl fizioprosedurlar, banka müalicəsi, şüa və kimya terapiyası aparmaq olmaz.

Qalxanvari və tüpürcək vəzilərinin, eləcə də limfa düyünləri və böyrəklərin USM-i xüsusi hazırlıq tələb etmir.