MELAZMA

Melazma - dəridə, ilk növbədə üzdə qəhvəyi və ya boz ləkələrin görünməsinə səbəb olan ümumi bir piqmentasiya pozğunluğudur.

Melazma əsasən açıq qəhvəyi dəridən tünd dəri tonlarına qədər olan insanlarda, xüsusən də günəşə çox məruz qalan yerlərdə rast gəlinə bilər. Qadınlar melazmaya xüsusilə həssasdırlar və üzdə, xüsusən də yanaqlarda, burun körpüsündə və alında qəhvəyi ləkələr şəklində görünə bilər.

Üzdə melazmanın göründüyü ən çox görülən yerlər bunlardır:

• burun körpüsü
• alın
• yanaqlar
• yuxarı dodaq>
• çənə

Melazmaların bir neçə növü var. Yerləşmə dərinliyinə görə aşağıdaki növlərinə rast gəlinir:

• Epidermal – epidermis qatında yerləşir. Bu zaman piqment ləkəsi adətən açıq rəngli, kəskin sərhədli olur və ultrabənövşəyi lampa vasitəsilə asanlıqla aşkarlanır. Epidermal melazma ən asan müalicəyə tabe olan növdür.
• Dermal – bu zaman piqment bütün derma qatına yayılır. Ləkənin rəngi tünd-qəhvəyi və konturları yayılmış olur. Dermal melazma ən çətin müalicə olunan ləkədir.
• Qarışıq – bu zaman ləkə həm dermada, həm də epidermisdə olduğu üçün yayılmış konturlu və müxtəlif rəngdə olur. Bəzi sahələr müalicəyə yaxşı reaksiya verir, bəziləri isə pis.