Qan analizi, Laboratoriya xidməti, Hamiləlikdə qan analizi, Laboratoriya analizi

Qan analizi

• Qanın oksigen, su və dəmirlə zənginləşmə dərəcəsi (qanazlığı, xroniki hipoksiya, su-elektrolit disbalansı, antioksidativ potensial)
• İltihabi prosesin hər hansı bir əlaməti
• Laxtalanma sisteminin vəziyyəti (tromb əmələgəlməyə meyillik, damar divarının tamlığının pozulma dərəcəsi)
• Mikrosirkulyasiyanın vəziyyəti 
• İmmun sisteminin funksional vəziyyəti (neytrofillərin,  limfositlərin, monositlərin)
• Qan plazmasının təmizlik dərəcəsi 
• Həzm orqanlarının (mədə, 12-barmaq bağırsaq, yoğun bağırsaq, ödçıxarıcı yollar, mədəaltı vəz) fəaliyyətinin qiymətləndirilməsi
• Triqliseridlərin (xolesterinin) artması

Laboratoriya xidməti

Laboratoriya xidmətinin əsas vəzifəsi həkimə etibarlı və dəqiq informasiyanı vaxtında çatdırmaqdır. Klinikamızdakı laborantlar bütün testlərə dəqiqlik və yüksək həssaslıqla yanaşır, ən düzgün nəticə üçün diqqətlə yoxlama aparırlar.

Laboratoriyamızda aşağıdakı istiqamətlər üzrə testlər aparılır:

• – Kliniki analizlər;
• – Qanın analizləri;
• – Sidiyin ümumi analizi;
• – Nəcisin ümumi analizi;
• – Helimintlər;
• – Helimentlərin IFA;
• – Spermanın analizləri;
• – Biokimyəvi analizlər;
• – Revmatik testlər;
• – İnfeksiyalar;
• – Hepatitler IFA (qan);
• – IFR (urogenital);
• – Torch infeksiyaların avidik əmsalının təyini;
• – Hormonlar;
• – Hamiləlik testləri;
• – Diabetik testlər;
• – Autoimmune testlər;
• – Koaquloqramma;
• – Onkomarkerlər;
• – İmmunologiya ve Allerqologiya.

Hamiləlikdə qan analizi

• Bəzən hamilələrdən şəkər testi istərkən onlar çox təəccüb edir ki: “Doktor, mənim ailəmdə şəkər yoxdur, risk qrupunda deyiləm.” Amma bəzən hamiləlikdə şəkər ortaya çıxa bilər və bunun çox ciddi fəsadları ola bilər. 
• Hamiləliyin ilk yarısında olan şəkər problemləri fərqli fəsadlara yol aça bilər. 2-ci trimestrdan sonra olan hamiləlik diabeti daha fərqlidir. 
• Pregestasionar diabet
• İlk hamilə qaldıqda, ilk trimestrində, hamiləliyin 3 aylığında mütləq şəkildə hamilələrdə aclıq şəkərini yoxlayırıq. Bu nəyi göstərir? Hamiləlikdən əvvəl olan bir diabet hadisəsi varmı, diabet halı varmı? 
• Əgər kontrolsuz bir şəkər varsa, buna biz pregestasionar diabet deyirik, yəni hamiləlikdən öncə olan bir diabet. O zaman bunun hamiləlikdə ciddi bir fəsadları ola bilər, uşaqda müəyyən qüsurlara yol aça bilər və bunun da artıq aşkarlananda çox gec ola bilər. Uşaqda ürək qüsurları ola bilər, beyin qüsurları ola bilər. 
• Amma əgər bir diabet halı varsa, hamiləliyin təyin anından düzgün kontrolla hamiləlik sağlam şəkildə irəliləyə bilər. 
• Gestasionar diabet
• Bizi maraqlandıran mövzulardan biri də hamiləliyin 25-28-ci həftəsində olan hamiləlik diabetidir. Hamiləlik diabetinin diaqnozunu biz bu həftədə “qlükoza tolerans testləri” ilə qoyuruq: 50 qram, 75 qram və 100 qram testlər olaraq bilinir. 
• Əgər hamilənin ailəsində şəkər xəstəsi varsa, anamnezində daha öncə ölü doğum hadisəsi varsa, qadın çox kiloludursa, daha əvvəl 4 kiloluq və daha artıq uşaq dünyaya gətiribsə, hal-hazırki ultrasəs müayinəsində uşağın ölçüləri böyükdürsə, çox sululuğu varsa, bu kimi risk qrupunda olan hamilələr və yaş qrupu. Xüsusilə 35 yaşın üzərində diabet riski artır. 
• Bu hamilələrə biz xüsusilə, 75 qram diaqnoz testini mütləq istəyirik. 
• Amma aşağı risk qrupu olan xəstələr olur ki, arıqdır, gənc yaşdadır, ailədə şəkər anamnezi yoxdur, ultrasəs müayinəsində hər hansı bir problem yoxdur. O zaman bunları 50 qram skrininq testi olaraq da edilə bilər. 
• Bu testlərin nəticəsi çox önəmlidir. 
• Əgər hamiləlik diabeti təsdiqlənərsə, “gestasionar diabet” deyirik, mütləq şəkildə ciddi kontrol edilməlidir və əgər yüksək şəkərlər varsa mütləq endokrinoloqa yönəldirik onları. 
• Hamiləlikdə istər dietoloqla, ya da hamilənin özü dietlər edərək, pəhriz saxlayaraq şəkəri kontrolda saxlayır. Əgər kontrolsuz şəkildə yüksək şəkər varsa, o zaman ehtiyac duyularsa endokrinoloq nəzarəti ilə insulin müalicəsinə də başlana bilir. 
• Qanın ümumi analizi xərçəngi göstərirmi? - Ən asan təhlil
• Qanın ümumi analizi ən ucuzu, ən asanı və savadlı həkim üçün xəstənin şəxsiyyət vəsiqəsi kimidir.
• Çox oxucular soruşur ki, qanın təkcə ümumi analizi ciddi xəstəlikləri, xüsusən şişlərin olub-olmamasını göstərə bilərmi və bunu necə bilək?

Laboratoriya analizi

• - Qanın ümumi analizində əsas leykositlərin səviyyəsinə baxılır. Məhz bu qan hüceyrələri infeksiya və mikrobla mübarizə aparır. Əgər onlar normadan yüksək çıxıbsa, deməli orqanizm iltihabi, virus və ya bakterial bir xəstəliklə mübarizə aparır. O xəstəliyin harda olmasını isə terapevt təyin edəcək
• - Neytrofillər - mikrob və bakteriyaları udur. Leykositlərə kömək edir. Yüksək olması ciddi iltihaba işarədir. Xüsusən kəskin appendisit, hər hansı daxili iltihabda kəskin artır.
• - Eozinofillər - allergiya, qurd, parazitlərə işarədir. Yüksəkdirsə, bundan şübhələnmək olar.
• - Hemoqlobin - azdırsa, deməli qanazlığı, dəmir defisiti var. İnsanın yorğun, halsız, bənizi ağ, gözünün altı tünd, ürək ritmi artıbsa, mütləq qanda hemoqlobin az çıxacaq. Normadan aşağı yəni 120 minimum həddir. 120 -dən aşağı rəqəm qanazlığıdır və buna keçəcək deyə yanaşmaq olmaz.
• - Eritrositlər - azalıbsa deməli anemiya var. Əgər artıbsa, çox yüksəkdirsə ciddi zəhərlənmə, bədənin toksinləşməsi, ürək-damar xəstəlikləri ola bilər
• - Trombositlər - qanın laxtalanmasına cavabdehdir. Yüksəlibsə qan çox qatıdır və tromb yaranır və ya yaranacaq. Azalıbsa qan həddən artıq durudur, damardaxili qanaxma, qansızma ola bilər. Eləcə də bu göstəricilər xəstə hər hansı dərmanlar, qandurulaşdırıcılar qəbul edəndə dəyişir.
• - Eritrositlərin çökmə sürəti - EÇS (ROE) deyilən göstərici əsas məsələni göstərir. Normadan yuxarı çıxma bədəndə ciddi iltihabi proses, irin, hər hansı kist və onkoloji prosesə işarədir. Adətən göstərici 100-ə yaxın və ya ondan çox olanda onkoloji şübhə araşdırılır