Dövrümüzün ən çox rast gəlinən xəstəlikləri arasında yer alan şəkərli diabet, bir çox ciddi xəstəliyin də meydana gəlməsində rol oynayan və dünyanın hər yerində rast gəlinən bir xəstəlikdir. Qanda şəkərin miqdarının çox olması bu xəstəliyin əsas göstəricisidir. Xəstəliyin səbəbi insulin hormonu ifrazının hər hansı səbəbdən kifayət qədər və ya heç olmaması, ya da toxumalarımızın insulinə qarşı rezistent hala gəlməsidir.

Diabetin əlamətləri nələrdir?

Diabet xəstəliyi özünü üç əsas göstərici ilə biruzə verir. Bunlar normaldan çox yemə və doymama hissi, tez-tez sidiyə çıxmaq, ağızda quruluq və buna bağlı olaraq həddindən artıq su içmə istəyi.

Bunlar xaricində görülə biləcək digər simptomları aşağıdakılar kimi sadalaya bilərik:

• Halsızlıq və yorğunluq hissi
• Sürətli çəki itgisi
• Bulanıq görmə
• Ayaqlarda uyuşma
• Yaraların normaldan daha gec sağalması
• Dəridə quruluq
• Ağızdan asetonabənzər qoxu

Diabet (şəkər xəstəliyi) səbəbləri nələrdir?

Şəkər xəstəliyinin səbəbləri mövzusunda aparılan bir çox araşdırmada, diabet xəstəliyinin genetik və ətraf mühit amillərinin birlikdə təsiri ilə meydana gəldiyi nəticəsinə gəlinmişdir.Bundan əlavə insanlar arasında daha geniş yayılmış olan 2 ci Tip diabetin səbəbləri arasında aşağı faktorları qeyd edə bilərik:

• Çəkinin həddindən artıq çox olması
• Valideynlərində şəkər xəstəliyinin olması
• Hərəkətsiz həyat tərzi
• Stress
• Hamiləlik zamanı, hamiləlik diabetinin yaranması

Gestational Diabet nədir?

Hamiləlikdə ən çox rast gəlinən endokrinoloji xəstəlik olan gestational diabet; Müalicə və izləmə olmadıqda, ana və körpə üçün ciddi fəsadlar yarada bilər. Çox su içmək, tez-tez sidiyə getmə, təkrarlanan sidik yolları infeksiyaları, sidikdə qlükoza aşkarlanması və yorğunluq kimi əlamətlər hamiləlik diabetinin əlamətləri ola bilər. Hamiləlik dövründə gestational diabeti olan anaların və körpələrinin doğumdan sonra müayinələrini laqeyd etməmələri çox vacibdir.